एडीबीले कोरोना भाइरसको महामारीका कारण विश्व अर्थतन्त्रमा ४१ खर्ब कोरोना भाइरसको महामारीका कारण विश्व अर्थतन्त्रमा ४१ खर्ब डलरको क्षति पुग्ने बताएको छ । एडीबीले अमेरिका, यूरोप लगायतका मुलुकमा देखिएको कोभिड–१९ को महामारीले विश्व अर्थतन्त्रलाई नै समस्यामा पार्न सक्ने चेतावनी दिएको हो ।

डेलीमेलकाअनुसार अहिले एडीबीले गरेको आर्थिक क्षति विश्वको समग्र अर्थतन्त्रको करिब पाँच प्रतिशत बराबर हो । तर, कर्जादाताहरुले भने यो क्षति अझै धेरै हुनसक्ने बताएका छन् ।

एडीबीले यो महामारीको कारण सामाजिक र वित्तीय संकट, स्वास्थ्य स्याहार र शिक्षामा दीर्घकालीन असर पनि पर्न सक्ने उल्लेख गरेको छ । तर, त्यस्ता विषयलाई भने विश्लेषकहरुले क्षतिको आकलनमा प्रयोग गरेका थिएनन् ।

एडीबीले चीनको आर्थिक वृद्धिदर पनि यस वर्ष २ दशमलव ३ प्रतिशतमा प्रक्षेपण गरेको छ । सन् २०१९ मा चीनको आर्थिक वृद्धिदर छ दशमलव १ प्रतिशत थियो ।

एडीबीले एसियाको आर्थिक वृद्धिदर पनि यस वर्ष दुई दशमलव २ प्रतिशत रहने बताएको छ । जुन सन् १९९८ को वित्तीय संकटयताकै कम हो ।