सरकारले लकडाउनकै बीच  उद्योगहरू खुला गर्ने भएपछि बैङ्कहरूले आइतबारदेखि बैङ्कका सबै शाखा कार्यालयहरू खोल्ने भएका  छन्। यस अघि बैङ्कहरूले आंशिक रुपमा मात्रै सेवा प्रदान गरिरहेका थिए ।

सरकारले बैङ्क तथा वित्तीय संस्था, बिमा, धितोपत्र, सहकारीमार्फत् अतिआवश्यक सेवा प्रवाह गर्नुपर्ने कार्यका लागि आवश्यक पर्ने कर्मचारीमध्ये एक तिहाइ कर्मचारीद्वारा सेवा सञ्चालन गर्ने भनेर निर्णय गरेको थियो ।

सरकारी निर्णयअनुसार नै एक तिहाइ कर्मचारी राखेर सेवा सुचारु गर्ने र सुरक्षाका आवश्यक सावधानीहरू पनि अपनाइने नेपाल बैङ्कर्स संघका अध्यक्ष भुवन दाहालले बताए ।

भुवन दाहालका अनुसार एक पटकमा शाखा कार्यालयभित्र पाँच जनाभन्दा बढी सेवाग्राहीले प्रवेश पाउने छैनन् ।