काठमाडौं । नेपाल इन्फ्रास्ट्रकचर बैंकको साधारण शेयर (आईपीओ) बाँडफाँट मिति तय भएको छ । बुधबार प्रि अलोटमेन्ट सकाएको बिक्रि प्रबन्धक एनआईबिएल एस क्यापिटलले शुक्रबार बिहान १० बजे आईपीओ बाँडफाँड हुने भएको जनाएको हो ।   

बिक्रि प्रबन्धकका अनुसार १४ लाख ७५ हजार ८० जनाको आवेदन योग्य भएको छ भने ६ हजार २ सय ७६ जनाको आवेदन अयोग्य भएको छ भने १० देखि ५० कित्ताको लागि आवेदन दिने सबैले माग गरे बमोजिम नै शेयर पाउने छन् ।  ६० कित्ता र त्यस माथि माथिको लागि आवेदन दिने मध्येबाट ४ लाख ९२ हजार ७२ जनाले गोलाप्रथाबाट थप १० कित्ता शेयर पाउने छन् । यस हिसाबमा एक जनाले अधिकतम ६० कित्तासम्म शेयर पाउने भएका छन् ।