नेपालका साना तथा ठूला दूरसञ्चार कम्पनी पब्लिक कम्पनीमा जाने क्रममा छन् । नेपालमा दूरसञ्चार कम्पनीहरु अनगिन्ती भएपनि पब्लिक कम्पनीमा गएर आईपीओ निष्काशन गर्ने कम्पनीमा नेपाल टेलिकम एक्लो छ ।
पाँच करोड माथिका कम्पनीहरु पब्लिकरुपमा जान लागिसकेका छन भने केहि कम्पनी प्रक्रियामा छन् । तर, एनसेल,वल्ड्रलिङ्क,डिसहोम लगाएतका कम्पनीहरु भने आईपिओ निष्कासनमा जुटिसकेका छन् ।
१० करोड चुक्तापूँजी रहेको एनसेलले शेयर जारी गर्ने प्रक्रियामा अगाडी बढिसकेको बताएको छ । एनसेलका एक अधिकारीका अनुसार एनसेलले शेयर निष्काशनको बिषयमा धितोपत्र बोर्ड र नेपाल दूरसञ्चार प्राधिकरणसँग समन्वय गरिरहेको छ ।
त्यसैगरी नेपालकै तेस्रो ठूलो दूरसञ्चार कम्पनी वल्ड्रलिङ्कले पनि आईपिओ निष्काशन गर्न गृहकार्य सुरु गरेको छ । कम्पनीले गत केहि महिना अगाडी २५ औं बार्षिक उत्सव मनाउदै आईपीओ ल्याउने घोषणा गरेको थियो ।
कम्पनीका अध्यक्ष दिलिप अग्रवालले आईपीओका लागी कम्पनीले गृहकार्य सुरु गरेको र यसबारे नियामकसँग पनि समन्वय भइरहेको बताएका छन् ।
नेपालको भुक्तानी सेवाप्रदायकको रुपमा पायोनियर ई–सेवालेपनि आईपीओ ल्याउने तयारी गरेको छ । खासगरी कम्पनीले २०२५ सम्म सर्वसाधारणका लागी शेयर जारी गरिसक्ने बताएको हो ।
कम्पनीका संस्थापक विश्वास ढकालले प्रक्रियागत रुपमा इसेवाले अब सर्वसाधारणको लागि सेयर जारी गर्न छलफल प्रत्रिया अघि बढाइसकेको बताएका हुन ।
