काठमाडौं । निषेधाज्ञामा पनि उपत्यकाका खाद्यान्न, तरकारी तथा फलफूल पसलहरू दिनमा दुई पटक खुल्ने गर्छन् । खाद्यान्न तथा तरकारी पसल बिहान ६ः०० देखि १०ः०० बजेसम्म र साँझ ५ः०० देखि ७ः०० बजेसम्म खुला हुन्छन् ।  

कालीमाटी, मिनभवन, जोरपाटी, बल्खु मनोहरा, बालाजु बानेश्वर, तीनकुने, बागबजार लगायतका ठाउँका तरकारी तथा फलफूल बजारहरूमा बिहान र बेलुका भीड लाग्ने गर्छ । यसले गर्दा कोरोना सर्ने जोखिम बढेको छ । सीमित समयसम्म बजार खुल्ने भएकाले उपभोक्ताको भीड अत्यधिक हुने गरेको हो ।